ប្រិយមិត្តមួយចំនួនប្រាកដជា មានគម្រោងទៅដើរលេងនៅតាមតំបនទេសចរណ៍នានានៅថ្ងៃឆ្លងឆ្នាំនាពេលខាងមុខហើយ។ ខណៈដែលវេលាដំណាច់ឆ្នាំជិតមកដល់ហើយតែកំពុងរកនឹកទីកន្លែងសមស្របមួយសម្រាប់ដើរកម្សាន្ដមិនទាន់វបានមែនទេ?
ថ្ងៃនេះយើងសូមបង្ហាញទីតាំងនៅក្នុងស្រុកយើងមួយចំនួន ដែលអាចក្លាយជាទិសដៅដ៏សំខាន់ក្នុងថ្ងៃឆ្លងឆ្នាំរបស់អ្នក។ បើមាន គម្រោងទៅដើរលេងមែននោះយើងខ្ញុំសូមជូនតំបន់មួយចំនួនដែលអ្នកទាំងអស់គ្នាមិនគួរមើលរំលង់។
១.ស្កាយលែន(Skyland)
 |
| ប្រភាពរូប៖ ជំទាវញូស៍ |
ស្កាយលែន(Skyland) ជារមណីយដ្ឋានធម្មជាតិកែច្នៃដែលស្ថិតនៅភូមិវិហារសួគ៌ជើង ឃុំវិហារសួគ៌ ស្រុកខ្សាច់កណ្ដាលនិងនៅចំកណ្ដោលទីក្រុងរណបសេវេនអែនជី(7NG)មានចម្ងាយពីភ្នំពេញ១៥គីឡូម៉ែតប៉ុណ្ណោះ។ ដើម្បីទៅតំបន់អភិវឌ្ឍន៍នេះ ត្រូវឆ្លងតាមដរអរិយក្សត្រឬដរស្វាយជ្រុំ និងបន្តដំណើរតាមបណ្ដោយផ្លូវជាតិលេខ៣៨០ រហូតទៅដល់ផ្លូវបត់ 7NGតែម្ដង។ អ្នកក៏អាចធ្វើដំណើរតាមផ្លូវជាតិលេខ៦ និងផ្លូវជាតិលេខ៨ ក៏បានដែរ។
 |
| ប្រភាពរូប៖ ជំទាវញូស៍ |
ស្កាយលែនជាទីតាំងដ៏សាកសមសម្រាប់អ្នកដែលមានភាពនឿយហត់ពីការងារឬការសិក្សា និងចង់ចំណាយពេលជាមួយក្រុមគ្រួសារឬមិត្តភក្តិនៅកន្លែងដែលមានខ្យល់អាកាសបរិសុទ្ធ អមដោយទេសភាពធម្មជាតិស្រស់បំព្រង ហើយមិនចង់ធ្វើដំណើរឆ្ងាយៗពីផ្ទះនៅភ្នំពេញ។រមណីយដ្ឋានស្កាយលែននេះមានលក្ខណៈជាច្រើនដែលអ្នកគួរអញ្ជើញទៅទស្សនានិងកម្សាន្តឱ្យបានម្ដង។ វាមានទីធ្លាដ៏ធំទូលាយ មានសួនច្បារនិងផ្កាចម្រុះជាច្រើនប្រភេទដ៏ស្រស់បំព្រង កន្លែងសម្រាប់ហាត់ប្រាណកន្លែងអង្គុយនៅក្បែរមាត់ទឹក អាហារដ៏ឈ្ញុយឆ្ញាញ់និងតម្លៃសមរម្យ និងមានអ្វីៗជាច្រើនទៀត។ បើបានទៅកម្សន្តដឹងតែទទួលអារម្មណ៍ប្លែកខុសពីកន្លែងផ្សេងៗមិនខាន។លើសពីនេះទៅទៀត នៅរដូវបុណ្យជាតិផ្សេងៗនៅតំបន់ស្កាយលែនតែងមានការរៀបចំកម្មវិធីសប្បាយៗជាច្រើនប្រភេទដូចជា ការប្រណាំងសេះ ប្រដាល់ ការប្រគុំតន្ត្រី ប្រណាំងទូក ប្រណាំងម៉ូតូជាដើម ដែលមានមនុស្សម្នាគ្រប់ទិសទីទៅចូលរួមលេងនិងទស្សនាផងដែរ៕
 |
| ប្រភាពរូប៖ ជំទាវញូស៍ |
២.ឆ្នេរអូឈើទាល
មានឈ្មោះជាទីក្រុងឆ្នេរសមុទ្រដ៏ល្បីល្បាញបំផុតរបស់ប្រទេសកម្ពុជាខេត្តព្រះសីហនុត្រូវបានគ្រប់គ្នាស្គាល់ថាកំពង់សោម។បច្ចុប្បន្នខេត្តនេះកំពុងបង្ហាញនូវសក្ដានុពលរបស់ខ្លួនយ៉ាងខ្លាំងក្លាទាក់ទាញភ្ញៀវទេសចរជាតិនិងអន្តរជាតិពិសេសក្នុងឱកាសអបអរសាទរបុណ្យឆ្លងឆ្នាំសាកល។
ឈើទាលកម្ពុជាបានទទួលវិញ្ញាបនបត្របញ្ជាក់ពីឆ្នេរខ្សាច់ស្អាតលំដាប់ពិភពលោកកាលពីថ្ងៃទី២៥ខែឧសភាឆ្នាំ២០១១នៅប្រទេសសេណេហ្គាល់ក្នុងមហាសន្និបាតលើកទី៧របស់ក្លឹបឆ្នេរខ្សាច់ស្អាតពិភពលោក។ក្លឹបនេះមានសមាជិក២៦ប្រទេសនិងមានឆ្នេរចំនួន៣២កន្លែង។
៣.ផាប់ស្ទ្រីត
ផាប់ស្ទ្រីតជាផ្សាររាត្រីមួយដែលប្រមូលផ្តុំទៅដោយ ភោជនីយដ្ឋាន បារ ក្លឹប អាហារមាត់ផ្លូវ និងហាងលក់វត្ថុអនុស្សាវរីយ៍ជាច្រើនសម្រាប់ឱ្យភ្ញៀវទេសចរអាចដើរកម្សាន្តទិញឥវ៉ាន់ និងញ៉ាំអាហារ ភេសជ្ជៈឆ្ងាញ់ៗ និងតម្លៃសមរម្យ។ ជាពិសេសនៅតាមដងផ្លូវនៃផ្សារ កងរំពងទៅដោយសម្លេងចម្រៀង បង្កើតបានជាបរិយាកាសយ៉ាងសប្បាយរីករាយ។
៤.រមណីយដ្ឋាន ឋានសួគ៌ បូកគោ៖
ភ្នំបូកគោជាទីកម្សាន្តធម្មជាតិសម្បូរបែប ដែលធ្វើឲ្យភ្ញៀវទេសចរទៅលេងមានអារម្មណ៍រីករាយស្រស់ថ្លា។ នៅទីនោះ ប្រិយមិត្តអាចទស្សនា ពពកវិល ថ្មមុខយក្ស បឹងលើភ្នំ វត្តសំពៅប្រាំ ព្រះវិហារកាតូលិកចាស់ ឡឺ បូកគោ ផាលេស (សណ្ឋាគារចាស់) ដំណាក់ស្លាខ្មៅ ដំណាក់ព្រះបាទមុនីវង្ស ឬដំណាក់ស្ដេច វាលស្រែ៥០០ និងកន្លែងសមាធិ។បូកគោ មានចម្ងាយប្រមាណជាង ៤០គីឡូម៉ែត្រ ពីក្រុងកំពត។
៥.ឧទ្យានជាតិគិរីរម្យ
ឧទ្យានជាតិគិរីរម្យជារមណីយដ្ឋានទេសចរណ៍បែបធម្មជាតិ រមណីយដ្ឋាននេះមានទីតាំងស្ថិតនៅក្នុងភូមិដំរីផុស ឃុំគិរីរម្យ ស្រុកភ្នំស្រួច ដែលមានចំងាយប្រមាណជា៤៤គីឡូម៉ែត្រ ពីទីរួមខេត្តកំពង់ស្ពឺ។ នៅទីនេះមានសក្តានុពលទេសចរណ៍សំខាន់ៗដូចជារមណីយដ្ឋានទឹកជ្រោះភ្នំ ដំណាក់ចាស់ ដំណាក់ថ្មី តំបន់ស្រះស្រង់ តំបន់ទឹកធ្លាក់ ជ្រោះអូរតាហ៊ុយ តំបន់ចំការតែ ភ្នំថ្មដា និងតំបន់ល្អាងភ្នំ។។ នៅទីនេះ ភ្ញៀវទេសចរអាចធ្វើអ្វីបានខ្លះងូតទឹកកម្សាន្តញ៉ាំអាហារ ទស្សនាទេសភាពធម្មជាតិ។
