ទំនាក់ទំនងអាពាហ៍ពិពាហ៍
ប្តីប្រពន្ធ គឺជាមិត្តភក្តិដែលអាចជជែករួមគ្នា ស្តាប់គ្នាទៅវិញទៅមក និងស្វែងរកវិធីក្នុងការរស់នៅរួមគ្នាប្រកបដោយសុភមង្គល។ នៅក្នុងជីវិតប្តីប្រពន្ធត្រូវតែមានសេចក្តីស្រលាញ់គោរពទុកចិត្ត ភាពស្មោះត្រង់ សុភាពរាបសារ និងការទាក់ទាញខាងផ្លូវភេទ ទាំងអស់នេះមានសារៈសំខាន់ខ្លាំងណាស់។ ការរួមរស់ជាមួយគ្នាប្រកបដោយសុភមង្គលជារៀងរហូត គឺជាអ្វីដែលប្តីប្រពន្ធគ្រប់រូបចង់បាន។ ទាំងអស់នេះ កើតឡើងជាអំពើជាកុសលរបស់ប្តីប្រពន្ធខ្លួនឯង តាមរយៈការប្រព្រឹត្តដោយវាចា និងចិត្តប្រកបដោយការគិតពិចារណារ ត្រឹមត្រូវ។
កត្តាមួយចំនួនសម្រាប់គូស្វាមីភរិយាគួរដឹង ដើម្បីឲ្យគ្រួសារមានសុភមង្គល៖
- ផ្តល់ក្តីស្រលាញ់គោរពសមាជិកក្រុមគ្រួសារទាំងសងខាង
- ផ្តល់ភាពកក់ក្តៅ និងភាពស្និទ្ធស្នាលជាមួយគ្នា
- ការយកចិត្តទុកដាក់ចំពោះគ្នាយ៉ាងជ្រាលជ្រៅ
- ផ្តល់សុវត្ថិភាពទាំងផ្លូវកាយ ទាំងផ្លូវចិត្ត
- ត្រូវចេះបង្កើតបរិយាកាសរីករាយក្នុងគ្រួសារ
- គោរពគ្នាទៅវិញទៅមក
- ចេះពិចារណាគ្រប់ជ្រុងជ្រោយរាល់ព័ត៌មានអកុសល មុនធ្វើការសម្រេចចិត្ត
- គាំទ្រ លើកទឹកចិត្តគ្នា និងជួយដោះស្រាយពេលមានបញ្ហាកើតឡើង
- ចេះពិភាក្សា ស្តាប់គ្នាប្រកបដោយស្មើភាពគ្នា មិនទាមទារយកឈ្នះចាញ់
- ចេះអធ្យាស្រ័យឲ្យគ្នា ពេលមានកំហុស
- ការទទួលខុសត្រូវរួមគ្នា
- ចេះគ្រប់គ្រងសេដ្ឋកិច្ចគ្រួសារ
- ចំណាយសន្សំសំចៃចំទិសដៅ
- បំពេញតម្រូវការផ្លូវភេទឲ្យគ្នាទៅវិញទៅមក
- មានផែនការគ្រួសារច្បាស់លាស់
- ចេះចិញ្ចឹមបីបាច និងគ្រប់គ្រងកូនចៅ
- ធ្វើការសម្រេចចិត្តរួមគ្នា
- ស្មោះត្រង់ មិនផិតក្បត់គ្នា។
- មានៈ រឹងរូស ចង់យកឈ្នះរៀងខ្លួន
- អត្តនោម័ត និងអាត្មានិយម
- គ្មានសីលធម៌ក្នុងការរស់នៅ
- មានអំពើផិតក្បត់ និងគ្មានភាពស្មោះត្រង់នឹងគ្នា
- ប្រព្រឹត្តអំពើហិង្សាក្នុងគ្រួសារ
- បំបិទសិទ្ធិសេរីភាព
- ប្រច័ណ្ឌហួងហែងគ្នា និងឆាប់ជឿការញុះញង់
- មើលបំណាំគ្នា
- ចាប់កំហុសគ្នា
- ខ្ជះខ្ជាយទ្រព្យសម្បត្តិ
- តុបតែងខ្លួនហួសប្រមាណ។
- ដំណោះស្រាយនៅពេលជួបបញ្ហាប្រឈមរវាងប្តីប្រពន្ធ៖
- ត្រូវចេះសុំទោសភ្លាមពេលមានកំហុស
- ត្រូវគិតពីចំណុចល្អរបស់ភាគីនិមួយៗ
- មិនត្រូវធ្វើការសម្រេចចិត្តធ្វើអ្វីដែលនាំឲ្យខាតប្រយោជន៍
- ត្រូវគិតដល់អនាគតកូនៗ
- មិនត្រូវទុកឲ្យជម្លោះអូសបន្លាយនោះទេ គឺត្រូវរកអ្នកទុកចិត្តណាម្នាក់ជួយដោះស្រាយ
- ធ្វើការងារឲ្យច្រើន ដូចជាពុះអុស ងូតទឹកត្រជាក់ គេចចេញពីមុខគ្នាជាបណ្តោះអាសន្ន។
ការកសាងជីវិតគូ ឬអាពាហ៍ពិពាហ៍ មានលក្ខណៈខុសគ្នាទៅតាមពេលវេលា ភូមិសាស្ត្រ ប្រជាសា ស្ត្រ វប្បធម៌ សាសនា ប្រពៃណី ទំនៀមទំលាប់ និងនយោបាយ។ នៅក្នុងសង្គមជាច្រើនមនុស្សស្វែងរកដៃគូ ប្តី ឬ ប្រពន្ធ ដោយខ្លួនឯង។ នៅទីកន្លែងខ្លះទៀត ក្រុមគ្រួសារជាអ្នកជ្រើសរើសគូស្រករ សម្រាប់កូនរបស់គេ តាមរយៈស្វែងរកដៃគូសក្តិសម ឬអ្នកដែលគេគិតថានឹងជួយពង្រឹងរចនាសម្ព័ន្ធសាច់ញាតិក្នុងគ្រួសារ ឬសង្គមរបស់គេ។ សង្គមខ្លះតម្រូវឲ្យនារីរៀបការតាំងពីនៅវ័យក្មេង សង្គមខ្លះមាននិន្នាការឲ្យបុរសអាយុមាន អាយុច្រើនជាងមនុស្សស្រីទើបរៀបការបាន។ លើសពីនេះមានប្រទេសខ្លះកំណត់គោលនយោបាយកូន ដើម្បីដោះស្រាយបញ្ហាប្រឈមផ្នែកសេដ្ឋកិច្ច ការងារ និងកាត់បន្ថយបន្ទុកសុខភាពសាធារណៈជាដើម។
បញ្ហាប្រឈមមួយទៀតសម្រាប់ជីវិតជាដៃគូ ឬប្តីប្រពន្ធ គឺករណីដៃគូណាមួយមានផ្ទុកមេរោគអេដស៍ អាចចម្លងទៅដៃគូរបស់ខ្លូនដែលគ្មានមេរោគ។ ហេតុនេះការផ្តល់ព័ត៌មានពីការធ្វើតេស្ត និងការប្រឹក្សាយោប ល់ជាសម្ងាត់ព្រមទាំងលទ្ធភាពប្រើប្រាស់ស្រោមអនាម័យ គឺជាវិធានការចាំបាច់សម្រាប់បង្ការដៃគូកុំឲ្យឆ្លងមេ រោគអេដស៍បាន។
ការបញ្ចប់ទំនាក់ទំនងអាពាហ៍ពិពាហ៍
ការផ្តាច់ទំនាក់ទំនងជីវិតប្តីប្រពន្ធ ឬដៃគូ ជាបញ្ហាឈឺចាប់ ទុក្ខសោក ឯកោ និងបរាជ័យនៃជីវិតគូ។ អនុស្សាវរីយ៍អាក្រក់នេះ គ្មាននរណាម្នាក់ចង់បាននោះទេ ពិសេសអ្នកដែលមានកូនជាមួយគ្នារួចហើយ។ បញ្ហាប្រឈមនេះជា នៃការសម្រេចចិត្តលឿនពេក ឬការពិចារណាមុនអាពាហ៍ពិពាហ៍ ទៅបុគ្គលិកលក្ខណៈ របស់ដៃគូមិនបានគ្រប់ជ្រុងជ្រោយ ឬអាចកើតមនឡើងពីការមិនយល់ពីគ្នាទៅវិញទៅមកដូចការពណ៌នាពី ភាពរកាំរកូសរវាងដៃគូខាងលើ។ តែក្នុងករណីខ្លះការផ្តាច់ទំនាក់ទំនង ឬការលែងលះជាដំណោះស្រាយល្អ ធ្វើឲ្យអារម្មណ៍ជ្រះស្រឡះសម្រាប់ដៃគូ និងគ្រួសារ។ ការលែងលះត្រូវបានការពារដោយច្បាប់ផងដែរ។ ការផ្តាច់ទំនាក់ទំនង ឬការលែងលះច្រើនកើតឡើងពី៖
បាត់បង់សេចក្តីថ្លៃថ្នូរក្នុងរង្វង់គ្រួសារជម្លោះរ៉ាំរ៉ៃដែលមិនអាចដោះស្រាយបាន
- គម្លាតកាន់តែឆ្ងាយរវាងអារម្មណ៍ ព្រលឹង និងឆន្ទៈរបស់ដៃគូ
- ការមើលងាយធ្ងន់ធ្ងរចំពោះដៃគូដោយត្រង់ និងដោយចំហ
- មានហិង្សារាងកាយ និងផ្លូវភេទ
- មានគំនាបពីគ្រួសារ
- អំពោះផិតក្បត់របស់ដៃគូ។
ប្តីប្រពន្ធ គឺជាដៃគូដែលអាចជជែកគ្នាស្តាប់ទៅវិញទៅមក និងស្វែងរកវិធីក្នុងការរស់នៅរួមគ្នាប្រកបដោយសុភមង្គល។ នៅក្នុងជីវិតប្តីប្រពន្ធត្រូវតែមានការគោរពស្រលាញ់ ភាពស្មោះត្រង់ សុភាពរាបសារ និង បង្កើតពេលវេលាល្អ ទាំងនេះមានសារៈសំខាន់សម្រាប់ជីវិតអាពាហ៍ពិពាហ៍។